en_GB
Hold Ctrl-tasten nede. Trykk på + for å forstørre eller - for å forminske.

Truls Engstrøm held fram som instituttleiar

Truls Engstrøm (44) er tilsett i ny åremålsperiode som instituttleiar ved Norsk hotellhøgskole ved Universitetet i Stavanger.

Det blei vedteke i styremøtet for UiS torsdag 14. februar.

Truls Engstrøm har tidlegare vore eigar ved raftingbyrået AB Forsknäckarna og eigar av konsulentfirmaet Comesco før han i 2005 blei tilsett som førsteamanuensis i serviceleiing ved UiS. Frå 2009 har han vore instituttleiar ved Norsk hotellhøgskole.

Engstrøm er utdanna MSc i Hospitality Management frå Norsk hotellhøgskole og Florida International University og har spesialisert seg innan serviceleiing og mentoring. Han har også ein doktorgrad frå Department of Psychology ved University of Northumbria i Storbritannia.

Engstrøm sit i styringsgruppa for NCE Tourism og i samhandlingsgruppa for NCE Culinology. Han har også ein emeritus-tittel etter fleire år i styret i International Mentoring Association.

Engstrøm er tilsett i stillinga som instituttleiar ved Norsk hotellhøgskole for ein periode på fire år frå 1. juli 2013 til 30. juni 2017.
 

Truls Engstrøm

FORTSET: Truls Engstrøm er tilsett i ein ny åremålsperiode som instituttleiar ved Norsk hotellhøgskole ved UiS.